ಸೂರ್ಯಾಸ್ತ

ನಾನು ಕಂಡ ಸೂರ್ಯಸ್ತಮಾನ

ಮೂಡಣದಿ ಮೂಡಿದ ದಿನಕರ ಭಾನಚೆ ಜಾರುವ ಗಳಿಗೆ

ಚೆಲ್ಲಿತು ಆಗಸದಲ್ಲಿ ಕಂಡಿತು ಕೆಂಬಣ್ಣದ ಮಳಿಗೆ

ಮನಮುಟ್ಟುವ ತಂಗಾಳಿಯ ಸುಗಂಧದ ನಡಿಗೆ

ಬೇಕಲ ಕೋಟೆ ಆಸ್ತಿ ಈ ಭವ್ಯ ನಾಡಿಗೆ

ಚೆಲ್ಲಿದ ಕಿರಣವು ಮಾಯವಾಗುವ ಹಾಗೆ

ಸಮುದ್ರರಾಜನ ಪ್ರೀತಿಯ ನಮ್ರತೆಯ ವಿದಾಯವು ಹೀಗೆ

ಯಾಕೆಂದರೆ ಅದಾಗಲ್ಲೇ ಬೀರಿತ್ತು ಮುಸ್ಸಂಜೆ ನಗೆ

ಆ ನಗುವ ಕಂಡು ಹೂವು ಅರಳಲು ಮನದೊಳಗೆ

ಸಾಗರದ ಮಾರುತದ ಮಧುರ ಸ್ಪರ್ಶದ ಸಿಂಚನ

ಜೊತೆಯಲ್ಲಿ ಸೂರ್ಯಸ್ತದ ಸುಮಧುರ ಕ್ಷಣ

ಕಣ್ತುಂಬಿಕೊಳ್ಳುವ ಈ ಗಳಿಗೆ ಬಾಳಿಗೆ ಹೋಳಿಗೆ

ಇನ್ನು ಕೇವಲ ಇರುವುದು ನೆನಪುಗಳೇ ಬಳಿಗೆ

ಸಾಗರದ  ತೆರೆಗಳ ಮಧ್ಯೆ ತೆರೆಎಳೆಯಲು ಹೊರಟ ರವಿ

ಆ ದಿವ್ಯಾನುಭೂತಿ ಸವಿದ ರಸಕವಿ

ಕವಿಯ ಮನದೊಳಗಡೆ ಹುಟ್ಟಲು ಹೊಸ ಕವಿತೆ

ಕವಿ ಎನ್ನಲು ಮಂಜು ಕರಗಿದಂತೆ ನಾ ಸೋತೆ ಸೋತೆ

ಗಿರೀಶ್ ಪಿಎಂ

ಕಾಸರಗೋಡು